Isaiah 46

Amharic Gamo (Geeshsha Maxaafa)

1Beeley kawuyides; Neboy keehi guuxxides; istta eeqa xoossati caana mehetan caanettida; istti oykki yuuyiza misleti tooho; daaburda medosatas deexo ba7o.

2Isttika issi bolla duge gufannana; caanaakka ashshana dandayettenna; isttika di7ettidi baana.

3GODAY, «Intteno Yaaqoobe soo asatoo! Isra7eeleppe attida ubbatoo! Intte intte aayi ulon shaara attoosafe haa simmiin inttena ta oykkidaytoo! Intte yelettoosofe doommada ta tookkidaytoo! Ta gizaa siyite.

4Intte cimmidi puulumana gakkanaaska inttena tookkizay tana; tani tana; tani inttena medhdhadis; tani inttena tookkana; tani inttena kaafana; ta inttena ashshana.

5«Tana oonara giniseetii? Tana oonara likkiseetii? Nuni issino misatana mala tana oonara geeddareetii?

6Amarda asati worqqa bantta karaxiiteppe qoleettes; biraakka meezaanen geeddareettes; istti seerisi tigiza hiillanchcha qaxxareettes; izikka isttas xoossa histti medhdhees. Isttika izas goynneettessinne yaynneettes.

7Denththidi bantta hashen tookkeettes; zaaridi he denththida sohon woththeettes; izikka heen eqqaa gees; heeppe awakka qaaxxenna; oonikka izakko waassiko zaaro immenna; metoppeka iza ashshenna.

8«Intteno mooranchchatoo! Hayssa akeekite; yuushshika qopite; intte wozinan qum7i oykkite.

9Kase beni wode hanida yo7ota akeekite; tani Xoossa; taappe haray deenna; tani Xoossa; ta malay oonikka deenna.

10Wurseththan hananayssa koyrotta, buroppe yaanayssa beni yootadis; ‹Ta halchchoy mino; tana ufayssizaaz ubbaa ta ooththana› gadis.

11Arshey mokkiza baggafe bonqqiza arganth, haaho biittafe ta qofa poliza as tani xeygana. Ta yootidayssa ta ooththana; ta halchchidayssa ta polana.

12«Intteno wozina shuchchatoo, xilloteththafekka haakkidaytoo, tana siyite.

13Tani ta xilloteththaa ehon days; haaho gidenna. Ta atoteththay gam7enna; tani Xiyoone atoteth. Isra7eele bonchcho mayzana» gees.

← Chapter 45 Chapter 47 →