Psalms 83

Amharic Dawro DFBLVL (Geeshsha Mas'aafaa)

1Abeet S'oossaw, c'o"u gooppa; sirp'p'i gooppa; abeet S'oossaw, muumoppa.

2Be'a! Ne morkketuu ne bolla denddiino; neena is's'iyaawanttu ne bolla makkaliino.

3Unttunttu ne asaa bollan geeman yaa'iino; neeni siik'iyaa asatuwaa bolla mak'ettiino.

4Unttunttu, «Haayite, unttunttu kawutetsaa d'ayissoytee; Israa'eeliyaa giyaa suntsaa, med'inaw hassayettennaadan ootsoytte» yaagiino.

5Unttunttu itti wozana gidiide, ittippe mak'ettiinonne, ne bolla c'aak'uwaa c'aak'k'etiino.

6C'aak'k'etiyaawanttunne Eedoomanne Isimaa'eela asatuwaa, Moo'aaba zaratuwaanne Aggaari zaratuwaa;

7Gebaala asatuwaa, Amoona asatuwaa, Amaaleek'a asatuwaa, Piliss's'eema asatuwaanne S'iiroosa asatuwaa.

8Asoore asatuukka unttunttunna ittippe gakketeeddino; Asooratuukka Loos'e zaretoo wolk'k'aama maaduwaa gideeddino.

9Neeni Midiyaama asatuwaa bollanne Sisaaranne Yaabina bolla, K'iishoona Shaafaan ootseeddawaadan unttunttu bolla ootsa.

10Unttunttu Enddooren d'ayeeddino; unttunttu anhay moogettennan biittan wook'k'eedda.

11Unttunttu kaappotuwaa, neeni Oreebanne Za'eeba ootseeddawaadan ootsa; unttuntta mooddiyaawantta neeni Zebaahanne S'almmunaa'a d'ayisseeddawaadan d'ayissa.

12Hewanttunne, «Nuuni S'oossaa asaa biittaa nuw buzotana» yaageeddawantta.

13Abeet ta S'oossaw, unttuntta baanaadan laala; c'arkkuu afiyaa suullaadan ootsa.

14S'aragay wora miide wurssiyaawaadan, tamaa lac'uu deriyaa mayiyaawaadan,

15hewaadankka ne uushuwaan unttuntta yederssa; ne gotiyaan unttuntta dagantsa.

16Abeet Med'inaa Godaw, Asay ne suntsaa koyana mala, neeni unttunttu som"uwaa yeellaa mayzza.

17Unttunttu med'inaw yeellatinonne hirggino; kawushiide d'ayino.

18Ne suntsaykka Med'inaa Godaa gidiyaawaa, ne s'alalay Ubbaappe D'ok'k'a S'oossaa, sa'aa ubbaa mooddiyaawaa unttunttu erino.

← Chapter 82 Chapter 84 →