Psalms 130

Amharic Dawro DFBLVL (Geeshsha Mas'aafaa)

1Abeet Med'inaa Godaw, taani metuwaa c'iimman de'aadde, neekko waassay.

2Abeet Godaw, ta kooshshaa sisa; taani watiwatiyaa watiwatuwaa ne haytsay hayzzo.

3Abeet Med'inaa Godaw, neeni, nu nagaraa mazggobiyaan s'aafeeddentto, abeet Godaw, won ooni pirddaappe attanaw danddayii?

4Shin nuuni neena bonchchiidde azazettana mala, nuw atto yaagaasa.

5Taani Med'inaa Godaa naagay; ee, taani Aa laamotaan naagay; Aa k'aalankka hidootaa ootsay.

6Sa'ay awude wonttanddeeshsha giide naagiyaa k'amma zabaynyatuwaappe aad'd'aade, taani unttunttuppekka aatsaade, Godaa laamotaan naagay.

7Israa'eeliyaa asaw, Med'inaa Godaan hidootaa ootsite; ayaw gooppe, aggena siik'uu Med'inaa Godaana; k'ay I ubbaa gede asaa ashshanaw koyee.

8Israa'eeliyaa asaa unttunttu nagaraa ubbaappe ashshanawe Aa.

← Chapter 129 Chapter 131 →