Psalms 127

Amharic Dawro DFBLVL (Geeshsha Mas'aafaa)

1Med'inaa Goday golliyaa kees's'ana d'ayooppe, kees's'iyaawanttu c'oo mela daaburiino. Med'inaa Goday katamaa naagana d'ayooppe, naagiyaawanttu c'oo mela naagiino.

2Neeni wontta guuran denddiyaawe, omarssi k'amissaade gisiyaawe, k'umaw hirggaade tuggatiyaawe c'oo mela; ayaw gooppe, S'oossay bare siik'iyaawanttoo shemppuwaa immee.

3Naanay Med'inaa Godaappe imettiyaa imotaa; yelotuu tumuwaappe woytuwaa.

4Itti uray bare yalagatetsan yeleedda attuma naanatuu, olanchchaa kushiyan de'iyaa tooratuwaa mala.

5He k'arc'c'iitan de'iyaa wonddaafiyaa tooratuwaadan, daro naanatuu de'iyaa Asay anjjetteeddawaa. Ayaw gooppe, I bare morkkatuwaanna, katamaa penggiyaan mootettiyaa wode, ubbakka s'oonettenna.

← Chapter 126 Chapter 128 →