bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Dawro DFBLVL (Geeshsha Mas'aafaa)
/
Psalms 118
Psalms 118
Amharic Dawro DFBLVL (Geeshsha Mas'aafaa)
1
Med'inaa Godaa galatite! Ayaw gooppe, I keeka. Aggena Aa siik'uu med'inaawaa.
2
Israa'eeliyaa asay, «Aggena Aa siik'uu med'inaawaa» yaago.
3
Aaroona golliyaa asay, «Aggena Aa siik'uu med'inaawaa» yaago.
4
Med'inaa Godaw yayyiyaawanttu ubbay, «Aggena Aa siik'uu med'inaawaa» yaagino.
5
Taani un"etteedda wode Med'inaa Godaw waassaad; I ta waasuwaa alliide, taana la"a kesseedda.
6
Med'inaa Goday taananna de'iyaa diraw, taani yayyikke. Asi taana ay ootsii?
7
Med'inaa Goday taana maaddanaw taananna de'ee; ta morkketuu s'oonetteeddawantta taani be'ana.
8
Asan ammanettiyaawaappe, Med'inaa Godaakko bak'atiyaawe lo"a.
9
Daannatuwaan ammanettiyaawaappe, Med'inaa Godaakko bak'atiyaawe lo"a.
10
Kawutetsatuu ubbay taana dooddi oyk'k'eeddino; shin Med'inaa Godaa suntsan taani unttuntta s'oonaad.
11
Unttunttu taana dooddeeddino; ubba saanna dooddi oyk'k'eeddino; shin Med'inaa Godaa suntsan taani unttuntta s'oonaad.
12
Unttunttu matsay doodiyaawaadan, ta yuushshuwaan dooddeeddino. Shin aguntsay taman ees's'iyaawaadan ees's'i d'ayeeddino. Med'inaa Godaa suntsan taani unttuntta s'oonaad.
13
Taana sugi yeggina, kunddana hanay; shin Med'inaa Goday taana maaddeedda.
14
Med'inaa Goday taw wolk'k'anne minotetsaa; I taana ashshiyaawaa gideedda.
15
Olaa s'ooniide simmiyaa asay, s'illotuwaa dunkkaaniyaan hombboc'iidde, giyaawaa sisite. Unttunttu, «Med'inaa Godaa ushechcha kushii wolk'k'aamabaa ootseedda!
16
Med'inaa Godaa ushechcha kushii s'oonuwaa immeedda! Med'inaa Godaa ushechcha kushii wolk'k'aamabaa ootseedda!» yaagiino.
17
Taani hayk'k'ikke; pas'a de'ananne Med'inaa Goday ootseeddawaa awaayana.
18
Med'inaa Goday taana iita muruwaa muree; shin hayk'k'oo aatsiide immibeenna.
19
Taani giddo gelaade Med'inaa Godaa galatana mala, Geeshsha Golliyaa penggetuwaa ane taw dooyite.
20
Hawe Med'inaa Godaa penggiyaa; ha penggiyaanna s'illotuwaa s'alalay geliino.
21
Neeni taana siseedda dirawunne s'oonuwaa immeedda diraw, taani neena galatay.
22
Gimbbiyaawanttu kad'iide is's'eedda shuchchay, godaa s'ap'uwaa minisiyaa, ubbaappe aad'd'iyaa shuchchaa gideedda.
23
Hawe Med'inaa Goday ootseeddawaa; k'ay nu ayifiyawukka malalissiyaawaa.
24
Hawe gallassay Med'inaa Goday med'eedda gallassaa. Ane nuuni an nashettoyttenne ililoytte.
25
Abeet Med'inaa Godaw, ha"i nuuna ashshaarikkii! Abeet Med'inaa Godaw, ha"i nuw injjeyaarikkii!
26
Med'inaa Godaa suntsan yiyaa Asay anjjetteedawaa gido! Nuuni Med'inaa Godaa Geeshsha Golliyaappe hinttena anjjeetto.
27
Med'inaa Goday S'oossaa; I nu bollan poo'isseedda. Irs's'a tashiyaa oyk'k'iide, ayaana gallassaa bonchchite; yarshshuwaa bollan de'iyaa kac'iyaakko aad'd'ite.
28
Neeni ta S'oossaa; taani neena galatana. Neeni ta S'oossaa; taani neena gitayana.
29
Med'inaa Godaa galatite! Ayaw gooppe, I keeka; aggena Aa siik'uu med'inaawaa.
← Chapter 117
Chapter 119 →