bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Dawro DFBLVL (Geeshsha Mas'aafaa)
/
Psalms 105
Psalms 105
Amharic Dawro DFBLVL (Geeshsha Mas'aafaa)
1
Med'inaa Godaa galatite; Aa suntsaa s'eesite. I ootseeddawaa kawutetsatuwaa gidduwaan erissite.
2
Aa sabbite; galataa yetsaa aw yes's'ite. Aa malalissiyaa oosuwaa ubbabaa odite.
3
Aa geeshsha suntsan c'eek'ettite; Med'inaa Godaa koyiyaa wozanatuu nashetino.
4
Med'inaa Godaanne Aa wolk'k'aa s'omoosite; ubbaa gede Aa sintsa koyite.
5
I ootseedda malalissiyaabaa, Aa malaataanne I pirddeedda pirddaa hassayite.
6
Hinttenoo, Aa k'oomaa Abrahaama zeretsatoo, dooretteedda Yaak'ooba naatoo.
7
I Med'inaa Godaa nu S'oossaa; Aa tumo pirddaykka sa'aa ubbaa bollaanna.
8
I bare c'aak'uwaa med'inaw, bare azazeedda k'aalaa sha"u yeletaa gakkanaw naagee.
9
Hewenne, I, Abrahaamana c'aak'k'eteedda c'aak'uwaa, Yisaak'aw c'aak'k'eedda c'aak'uwaa,
10
Yaak'oobaw woga, Israa'eeliyawukka med'inaa c'aak'uwaa ootsiide miniseedda.
11
Hawaadan yaageedda; «New Kanaane biittaa immana; I ne zeretsatoo laata gidana» yaageedda.
12
S'oossaa asatuu payduwaan s'ii guutsanne Kanaane biittan bete gidiide de'iyaa wode,
13
itti gadiyaappe hara gadiyaa, itti kawutetsaappe hara kawutetsaa yuuyyeeddino.
14
S'oossay unttuntta ooninne naak'k'anaw immibeenna; unttunttu diraw kaatetuwaa seeriidde,
15
«Taani okkeeddawantta bochchoppite; ta timbbitiyaa odiyaawantta k'ohoppite» yaageedda.
16
S'oossay biittan koshaa yeddiide, unttunttu katsaa ubbaa d'ayisseedda.
17
Shin I bare asaa ashshanaw, itti bitaniyaa Gibs'e kiitteedda; he bitanii ayille gidiide zal"eteedda Yooseefa.
18
Aa gedetuu birataan k'ashetteeddino; unttunttu Aa sanssalatan k'achcheeddino.
19
I kase odeeddawe polettana gakkanaw, Med'inaa Godaa k'aalay Aa paac'c'eedda.
20
Gibs'e kaatii kiittiide k'asho golliyaappe keseedda, Gadiyaa mooddiyaawe billeedda.
21
Ikka, Aa bare golliyaw godaa ootseeddanne. Barew de'iyaawaa ubbaa bolla suntseedda.
22
Barew waanna kaappotuwaa azazana malanne bare c'imatuwaa zorana mala maatayeedda.
23
Hewaappe guyyiyaan, Israa'eelii Gibs'e geleedda, Yayk'k'oobe Kaame biittan bete gidiide de'eedda.
24
Med'inaa Goday bare asaa daro c'orayeedda; unttunttu morkkatuwaappe unttuntta aatsiide mintsetsee.
25
I Gibs'e Asay bare asaa is's'anaadaaninne bare k'oomatuwaa c'immanaadan ootseedda.
26
Hewaappe guyyiyaan, bare k'oomaa Musanne bare dooreedda Aaroona unttunttukko kiitteedda.
27
Unttunttu Gibs'e asatuwaa sintsan S'oossaa malaataa, Kaame biittan ooratsabaa ootseeddino.
28
S'oossay d'umaa kiittiide, he biittaa d'umisseedda; shin Gibs'e asatuu Aa azazuwaa is's'eeddino.
29
I Unttunttu haatsaa suutsaw laammiide, moletuwaa wod'eedda.
30
Unttunttu biittaa ubbaa, kaatiyaa golliyaakka shed'd'ii kumeedda.
31
I azazina, uduns's'iinne biinnii unttunttu biittaa ubbaa bolla sham"isham"eedda.
32
Unttunttu biittaa bollan iraa diraw shachchaa walk'k'antsaanna bukisseedda.
33
I unttunttu woyniyaa turaanne balasiyaa giyaa mitsaa shoc'eedda; unttunttu biittan de'iyaa mitsaakka kinchchereetseedda.
34
I azazina, booliinne payduu bayinna bumbburetsay keseedda.
35
Unttunttu biittan doleedda katsaa ubbaa meedda; sa'aappe irs's'abaa ubbaakka mi d'ayisseedda.
36
S'oossay Gibs'e asatuwaa golle bayira naanatuwaa ubbaa wod'eedda; koyiro yeletteedda ubbaa d'ayisseedda.
37
Hewaappe guyyiyaan, I Israa'eeliyaa asaa work'k'aanne biraa alleek'k'uwaana kesseedda; unttunttu giddoppe kunddiide atteedawe ooninne baawa.
38
Gibs'e asatuu unttunttoo daro yayyeedda diraw, unttunttu keseeddawaan nashetteeddino.
39
S'oossay unttuntta kammanaw shaariyaa mic'c'eedda; k'amma unttunttoo poo'issanaw tamaa giigisseedda.
40
Unttunttu miyaawaa oochchina, akkaa malatiyaa kafotuwaa unttunttoo yeddeedda; unttuntta saluwaa k'umaa kalisseedda.
41
I shuchchaa p'alk'k'ina, haatsay pultteedda; shaafaadan bazzuwaan goggeedda.
42
I bare k'oomaa Abrahaamaw, geleedda geeshsha k'aalaa hassayeedda.
43
I bare asaa nashshechchan, bare dooreeddawantta ililssan kesseedda.
44
I unttunttoo hara asatuwaa biittaa immeedda; unttunttu haratuu daabureedda goshshaa laatteeddino.
45
Hewaa I ootseeddawe unttunttu Aa wogaa naaganaadaananne Aa higgiyaa ootsanaadaana. Med'inaa Godaa galatite!
← Chapter 104
Chapter 106 →