Zechariah 13

Amharic Dawro DFBE (ጌሻ ማጻፋ) No Year

1ኡባፐ ዎልቃማ መና ጎዳይ ሀዋዳን ያጌ፤ “ሄ ጋላስ ዳዊታ ጎለቱዋነ የሩሳላመን ደእያዋንታ ናጋራፐነ ቱናተፐ ጌሻናዉ ፑልቱ ፑልታና።

2ሄ ጋላስ ታን ኡንቱንቱ ላኤን ሀሳየተናዳን፥ ኤቃቱዋ ሱን ጋድያፐ ይሳና። ቃይ ትምቢትያ ኦድያዋንታነ ቱና አያና ጋድያፐ ይሳና። ታን ኡባፐ ዎልቃማ መና ጎዳይ ሀዋ ኦዳይ።

3ቃይካ ኦንነ፥ ታን ትምቢትያ ኦድያዋ ጎፐ፥ አ የሌዳ አዉነ አታ አ፥ ‘ኔን መና ጎዳ ሱንን ዎርዱዋ ኦድያ ድራዉ፥ ፓጻ ደአካ’ ያጋና፤ ያጊደ እ ትምቢትያ ኦድሽን፥ አ የሌዳ አዉነ አታ አ ጫዲደ ዎና።

4ሄ ጋላስ ዎርዶ ትምቢትያ ኦድያ ዎደ፥ ባረ በኤዳ ሳፃ ጋሱዋን ዬላታና፤ ቃይ ጭማናዉ እስክያና ደእያ ዋሩዋካ ማየና።

5ሽን እ፥ ‘ታን ናአተደፐካ ዶማደ ቢታ ኦያ ጎሻንቻፐ አትና፥ ትምቢትያ ኦድያዋ ግድከ’ ያጋና።

6እት አሳይ አ፥ ‘ያትና፥ ሀ ነ ቦላን ደእያ ማዱይ አዬ?’ ያጊደ ኦቾፐ፥ እ፥ ‘ሀዌ ታን ታ ላገቱዋ ሶን ማዱጼዳዋ’ ያጋና” ያጌ።

7ኡባፐ ዎልቃማ ጎዳይ ሀዋዳን ያጌ፤ “ማሻዉ፥ ታዉ ማታ ግድያ ታ ዶርሳ ሄምያዋ ቦላ ቤጎታ! ዶርሳቱ ላለታናዳን፥ ዶርሳ ሄምያዋ ሾጫ። ታንካ ሄ ጉ ዶርሳቱዋ ቦላን ታ ኩሽያ ደንና።

8ቢታ ኡባን ደእያ ሄዙ ኩሸ አሳፐ ላኡ ኩሺ ሾጨቲደ ሀይቃና፤ እት ኩሸ ጻላላይ ፓጻ አታና። ታን መና ጎዳይ ሀዋ ኦዳይ።

9ሀ አቴዳ ሄዘን ኩሸ አሳ ታን ታማን የጋና፤ ብራይ ታማን ጌይያዋዳን፥ ኡንቱንታ ጌሻና፤ ቃይ ዎርቃይ ፓጨትያዋዳንካ ፓጫና። ሄዋፐ ጉይያን፥ ኡንቱንቱ ታ ሱንን ዎሳና፤ ታንካ ኡንቱንታ ስሳና። ታን፥ ‘ሀዋንቱ ታ አሳቱዋ’ ያጋና። ኡንቱንቱካ፥ ‘መና ጎዳይ ኑ ጾሳ’ ያጋና” ያጌ።

← Chapter 12 Chapter 14 →