Psalms 76

Amharic Dawro DFBE (ጌሻ ማጻፋ) No Year

1ጾሳይ ይሁዳን ኤረቴዳዋ፤ አ ሱንይ እስራኤልያን ዎልቃማ።

2አ ዱንካኒ ሳሌማና፤ እ ደኢያሳይ ጽዮነና።

3እ፥ ሄዋን ጾንገትያ፥ ሞርከቱዋ ዎንዳፍያ ጩብያ፥ ጎንዳልያ፥ ማሻነ ሀራ ኦላ ሚሻቱዋ መንሬዳ።

4አቤት ጾሳዉ፥ ነ ቦንቹ አይ ኬሻ ግቴ! ኔን ነ ሞርከቱዋ ጾናደ፥ ደርያፐ ስምያ ዎደ፥ ነ አንጋይ አይባ ያሽያዌ!

5ጎባ ቶራንቻቱ፥ ባረንቶ ደእያዋ ኡባ ቦንቀት ክቼድኖ። ሀእ ስም ኡንቱንቱ፥ ዎልቃማ ገምእሹዋ ገምእሼድኖ፤ ኡንቱንቱፐ እቱነ ባረ ኩሽያ ደንቤና።

6አቤት ያቆባ ጾሳዉ፥ ኔን ሴሬዳ ዎደ፥ ፓራ አሳቱነ ፓራቱ ኩንዶ ሳን አቴድኖ።

7ሽን አቤት ጾሳዉ፥ ኔን ያሻሳ! ነ ሀንቁ ሱሌዳ ዎደ፥ ነ ስንን ኦኔ ኤቃናዌ?

8ኔን ፕርዳ ሳሉዋፐ ስሴዳ ዎደ፥ ሳኣን ደእያ አሳይ ያዪደ፥ ጮኡ ጌዳ።

9ኔን ሳኣን ቆሄቴዳዋንታ አሻናዉ፥ ፕርዳዉ ደንዴዳ ዎደ፥ ሄዌ ሀኔዳ።

10አሳ ሀንቁ ዳሬዳ ኬሻ ኔን ጋላተታሳ። ኦላፐ አቴዳ አሳቱ ኡባይ፥ ነ ባላ ጋላሳቱዋ ቦንቻና።

11መና ጎዳዉ፥ ህንተ ጾሳዉ፥ ሺቀትተ፥ ሄዋካ ጋተ። ህንተኖ ሾሮ ካዉተቶ፥ ያየታናዉ በስያዎ እሞታ አህተ።

12እ ካፖቱዋ ኦቶሩዋ ካዉሼ፤ ዎልቃማ ካተቱዋካ እ ያሽሴ።

← Chapter 75 Chapter 77 →