Psalms 64

Amharic Dawro DFBE (ጌሻ ማጻፋ) No Year

1አቤት ጾሳዉ፥ ታን ማጋንያ ማጋና ኔን ስሳ። ታን ታ ሞርከቶ ያያድ፤ ታና አሻ።

2ኢታቱዋ ማቁዋፐነ፥ ኢታ ኦያዋንቱ ሽቁዋፐ ታና ገን።

3ኡንቱንቱ ባረንቱ እንጻርሳ ማሻዳን ሌፌድኖ፤ ቃይ ማርዘ ቃላቱዋ፥ ዎንዳፍያ ፖዳን ዱካናዉ ጊግሴድኖ።

4ኡንቱንቱ ቆሰቲደ፥ ባረንቱ ዎንዳፍያ ጽሎ አሳ ቦላ ዳፊኖ፤ አኬካይ ባይናን ዱኪኖ፤ ኡንቱንቱ ያይክኖ።

5ኡንቱንቱ ባረንቱ ኢታ ማቆ እቱ እቱዋ ምንኖ፤ ባረንቱ ጲርያ ቆስያሳ ዞረቲኖ። ኡንቱንቱ፥ “ኑና ኦን በአኔ?” ያጊኖ።

6ኡንቱንቱ ኢታባ ማቀቲደ፥ “ኑን ሎኦ ማቁዋ ማቀቴዶ” ያጊኖ። ሄዌነ፥ አሳዉ ዎዛናይነ ካሀይ ጪማ ግድያዋ በሴ።

7ሽን ጾሳይ ኡንቱንታ ባረ ዎንዳፍያን ዱካና፤ ኡንቱንቱ አኬከናን ማዱጻና።

8ኡንቱንቱ ማቁዋ ድራዉ፥ እ ኡንቱንታ ይሳና፤ ኡንቱንታ በእያ ኡባይ ሁጲያ ቃና።

9ሄ ዎደ አሳይ ኡባይ ጾሳዉ ያያና፤ አ ኦሱዋባ ኦዳናነ ዛር ዛሪደ ቆፓና።

10ጽሎቱ መና ጎዳን ናሸትኖነ፥ አኮ ባቃቲደ አቲኖ፤ ዎዛና ሱረቱ ኡባይ ጋላትኖ።

← Chapter 63 Chapter 65 →