Psalms 62

Amharic Dawro DFBE (ጌሻ ማጻፋ) No Year

1ጾሳ ጻላላን ታን ሸምፑዋ ደማድ፤ ታ አቶተይ አፐ ዬ።

2አ ጻላላይ ታ ዛላነ ታ አቶተ፤ እ ታን ቆሰታ አትያ ሳኣ ግድያ ድራዉ፥ አይነ ህርግከ።

3ዎድያ ጎዳነ ቃጽያ ድርሳ ማላትያ አሳ ዎናዉ፥ ህንተ አዉደ ጋካናዉ ደንዲቴ?

4ኡንቱንቱ አ ቦንቾ ሳኣፐ አ ዎናዋ ጻላላ ኮዪኖ፤ ኡንቱንቱ ዎርዱዋን ናሸቲኖ። ባረንቱ ዶናን አንጂኖ፤ ሽን ባረንቱ ዎዛናን ሸቂኖ።

5ታ ሸምፓታ ጾሳ ጻላላን ሸምፑዋ ደማዱ፤ ታን ህዶታን ናግያዌ አፐ ዬ።

6አ ጻላላይ ታ ዛላነ ታ አቶተ፤ እ ታን ቆሰታ አትያ ሳኣ ግድያ ድራዉ፥ አይነ ህርግከ።

7ታ አቶተይነ ታ ቦንቹ ጾሳና፤ እ ታ ምኖ ዛላነ ታ ጌሱዋ።

8አሳዉ፥ ኡባ ዎደ ጾሳን አማነትተ፤ እ ኑዉ ጌሱዋ ግድያ ድራዉ፥ ህንተ ዎዛና ቆፋ አዉ ኦድተ።

9አሳይ ኡባይ እት ገደ ሸምፕያ ጫርኩዋ ማላ፤ ቂና ዝቂና፥ አሳይ መላ። ሚዛንያን ዎናካ ኡንቱንቱ አይነ ዴጽክኖ፤ ኡንቱንቱ እት ገደ ሸምፕያ ጫርኩዋፐካ ካዉሺኖ።

10ማካላን ሺሾዋን አማነቶፕተ፤ ዉእ ሺሺደ ዱረታናዉ ሀልቾፕተ። ህንተ ዱረተይ ዳሮፐካ፥ ህንተ ዎዛና አ ቦላ ዎፕተ።

11ጾሳይ እት ገደ ኦዴዳ፥ ታን ላኡ የዉዋ ስሳድ፤ “ዎልቃይ ጾሳሳ።

12አገና ሲቁ ጎዳዋ” ያጌዳ። አቤት ጾሳዉ፥ ኔን አሳ ኡባዉ አ ኦሱዋዳን ኦሱዋዳን ዛራና።

← Chapter 61 Chapter 63 →