Psalms 56

Amharic Dawro DFBE (ጌሻ ማጻፋ) No Year

1አቤት ጾሳዉ፥ አሳቱ ታና የደርስያ ድራዉነ ጋላሳ ኡባንካ ታ ሞርከቱ ታና ኡንኤዳ ድራዉ፥ ታዉ ቃረታ።

2ታ ሞርከቱ ጋላሳ ኡባን ታና የደርሲኖ፤ ጮራቱ ኦቶሩዋን ታና ኡንኤኖ።

3ታን ያዬዳ ዎደ፥ ኔናን አማነታይ።

4ታን ጾሳን አማነታይ፤ ታን አ ቃላ ጋላትያ ጾሳን አማነታይነ ያይከ። አሳይ ታና አያ ኦኔ?

5ጋላሳ ኡባን ታ ሞርከቱ፥ ታዉ መቱዋ መኖ፤ ኡንቱንቱ ኡባ ገደ ታዉ ኢታባ ቆፒኖ።

6ኡንቱንቱ ታ ቦላ ማቀቲኖ፤ ኩኩሊደ ዎቺኖነ ታ ኦግያ ናጊኖ፤ ታና ዎናዉ ኮዪኖ።

7ኡንቱንቱ ኢታተ ድራዉ፥ ኡንቱንታ የዶፓ፤ ነ ሀንቁዋን ሄ አሳቱዋ ዝቂ ኦ።

8ኔን ታን ቶይላካቶዋ ፓይዳዳ። ታን ዎይሳ አፎ ጉሳድታንቶ፥ ኔን ኤራሳ። ኡንቱንቱ ነ ማዝጎብያን ደእክኖ?

9ታን ኔና ጼስያ ዎደ፥ ታ ሞርከቱ ጉየ ስማና። ጾሳይ ታ ባጋ ግድያዋ ታን ኤራይ።

10ታን አ ቃላ ጋላትያ ጾሳይ፥ ታን አ ቃላ ጋላትያ መና ጎዳ፥

11ታን ሄ ጾሳን አማነታይ፤ ያይከ። አሳይ ታና አይ ኦኔ?

12አቤት ጾሳዉ፥ ታን፥ ነዉ ሺቀቴዳዋ ኦና፤ ሄዋ ጋላታ ያርሹዋ ታን ነዉ እማና።

13አያዉ ጎፐ፥ ኔን ታና ሀይቁዋፐ፥ ታ ገድያ ኩንደፐ አሻዳ። ሄዋ ድራዉ፥ እ ፓጻ ደእያዋንቱ ቦላን ፖእስያ ፖኡዋን ጾሳ ስንን ታን ሀመታይ።

← Chapter 55 Chapter 57 →