Psalms 24

Amharic Dawro DFBE (ጌሻ ማጻፋ) No Year

1ሳአይነ ሳኣን ኩሜዳዌ ኡባይ መና ጎዳዋ፤ ቢታይነ ቢታን ደእያባይ ኡባይ አዋ።

2አያዉ ጎፐ፥ ሳኣ ዎልቃማ አባ ቦላን እ ሂጼዳ፤ ጪሞ ሃ ቦላን ምንሲደ ኤሴ።

3መና ጎዳ ደርያ ግአናዌ ኦኔ? አ ጌሻ ሳኣን ኤቃናዌ ኦኔ?

4አ ኩሺ ናጋራፐ ጌዬዳዋ፥ አ ዎዛናይ ጌሻ ግዴዳዋ፥ ኤቃዉ ጎይነናዋ፥ ዎርዱዋን ጫቀናዋ።

5እ መና ጎዳፐ አንጁዋ አካና፤ አሽያ ጾሳፐ እ ጽሎተ ፕርድዳ አካና።

6ጾሳኮ ጼልያ አሳይነ ያቆባ ጾሳ ስን ኮይያ አሳይ ሀዋንቱ ማላ።

7ፐንገቱ ዶየትተ! ቦንቾ ካቲ ገላና ማላ፤ በን ፐንጋቱ አ ናሸቻን ሞክተ!

8ሄ ቦንቾ ካቲ ኦኔ? ምኑነ ዎልቃማይ መና ጎዳቴ! ኦላዉካ እ ዎልቃማ መና ጎዳቴ!

9ፐንገቱ ዶየትተ! ቦንቾ ካቲ ገላና ማላ፤ በን ፐንጋቱ አ ናሸቻን ሞክተ!

10ሀ ቦንቾ ካቲ ኦኔ? ሀ ቦንቾ ካቲ ሳሉዋ መተቱዋ መና ጎዳቴ!

← Chapter 23 Chapter 25 →