Psalms 136

Amharic Dawro DFBE (ጌሻ ማጻፋ) No Year

1መና ጎዳ ጋላትተ! አያዉ ጎፐ፥ እ ኬካ፤ አገና አ ሲቁ መናዋ።

2ጾሳቱዋ ጾሳ ጋላትተ! አገና አ ሲቁ መናዋ።

3ጎዳቱዋ ጎዳ ጋላትተ! አገና አ ሲቁ መናዋ።

4አ ጻላላይ ዎልቃማ ማላልስያባ ኦ፤ አገና አ ሲቁ መናዋ።

5ባረ አዳ ኤራን እ ሳሎቱዋ መዳ፤ አገና አ ሲቁ መናዋ።

6ቢታ ሃ ቦላን ምጬዳ፤ አገና አ ሲቁ መናዋ።

7ዎልቃማ ፖኦቱዋ መዳ፤ አገና አ ሲቁ መናዋ።

8አዋይ ጋላስ ሞዳናዳን ኦዳ፤ አገና አ ሲቁ መናዋ።

9አግናይነ ጾልንተቱ ቃማ ሞዳናዳን ኦዳ፤ አገና አ ሲቁ መናዋ።

10እ ግብጼ ቢታን ባይራቱዋ ዎዳ፤ አገና አ ሲቁ መናዋ።

11እስራኤልያ አሳ፥ ግብጼፐ ካለደ ከሴዳ፤ አገና አ ሲቁ መናዋ።

12ባረ ምኖ ኩሽያን፥ ባረ ዎልቃማ ቀስያን ሀዋ ኦዳ፤ አገና አ ሲቁ መናዋ።

13ዞኦ አባ ሻክ የጌዳ፤ አገና አ ሲቁ መናዋ።

14እስራኤልያ አሳ፥ ሄ አባ ግዱዋና ፕንዳ፤ አገና አ ሲቁ መናዋ።

15ግብጼ ካትያነ አ ኦላንቻቱዋ ዞኦ አባን ሙክሴዳ፤ አገና አ ሲቁ መናዋ።

16እ ባረ አሳ ካለደ፥ ባዙዋና አዳ፤ አገና አ ሲቁ መናዋ።

17ዎልቃማ ካተቱዋ ሾጬዳ፤ አገና አ ሲቁ መናዋ።

18ኤረቴዳ ካተቱዋ ዎዳ፤ አገና አ ሲቁ መናዋ።

19አሞረቱዋ ካትያ ስሆና ዎዳ፤ አገና አ ሲቁ መናዋ።

20ቃይ ባሳነ ካትያ ኦጋ ዎዳ፤ አገና አ ሲቁ መናዋ።

21ያቲደ ኡንቱንቱ ቢታ ባረ አሳ ላትሴዳ፤ አገና አ ሲቁ መናዋ።

22ባረ ቆማ እስራኤልያ ላትሴዳ፤ አገና አ ሲቁ መናዋ።

23እ ኑን ካዉሼዳ ዎደካ ኑና ቆፔዳ፤ አገና አ ሲቁ መናዋ።

24ኑና ኑ ሞርከቱዋፐ አሼዳ፤ አገና አ ሲቁ መናዋ።

25መታ ኡባዉ ቁማ እሜ፤ አገና አ ሲቁ መናዋ።

26ሳሉዋ ጾሳ ጋላትተ! አገና አ ሲቁ መናዋ።

← Chapter 135 Chapter 137 →