Psalms 112

Amharic Dawro DFBE (ጌሻ ማጻፋ) No Year

1መና ጎዳ ጋላትተ! መና ጎዳዉ ያይያነ፥ አ አዛዙዋ ፖላናዉ ዳሮፐ ናሸትያ አሳይ፥ አንጀቴዳዋ።

2አ ናናቱ ቢታን ዎልቃማ ግዳና፤ ሱረ አሳቱዋ የለታይ አንጀታና።

3ሻሉነ ዱረተይ አ ጎልያን ደኤ፤ አ ጽሎተይካ መናዉ ደአና።

4ሱረ አሳዉ፥ ኬካ፥ ጽሎነ ቃረትያ አሳቶ፥ ማ ግዶን ፖኡ ፖኤ።

5ኬካተን ጮ ታልእያ ኡራዉ፥ ባረ ኦሱዋ ሱረተን ኦያ ኡራዉ፥ ኬካባይ ያና።

6ጽሎ አሳይ አዉደነ ኩንደና፤ መናዉ እ ሀሳየታና።

7ኢታባ እ ስሶፐካ ዳጋመና፤ አያዉ ጎፐ፥ አ ዎዛናይ ቃጸና፤ መና ጎዳን እ አማነቴ።

8አ ዎዛናይ ጻላ ግድያ ድራዉ፥ ኡባካ እ ያየና፤ ዉርሰን ባረ ሞርከቱ ጾነትና በአና።

9እ ህዬሳ አሳዉ ዳርሲደ እሜዳ፤ ቃይ አ ጽሎተይ መናዉ ደኤ፤ አ ካጪ ቦንቹዋን ቁ ጌ።

10ኢታ አሳይ ሄዋ በኢደ ይሎቴ፤ አቻ ጋርጪደ፥ ጮ ዬ። ኢታ አሳ አሙ ጮ አታናዋ።

← Chapter 111 Chapter 113 →