Psalms 108

Amharic Dawro DFBE (ጌሻ ማጻፋ) No Year

1አቤት ጾሳዉ፥ ታ ዎዛናይ ምኒደ ደኤ። ታን ነዉ ታ ኩመን ዎዛናፐ የጻናነ ኔና ሳባና።

2ዲዉነ ማስንቆ ቤጎትተ! ታንካ ዎንታ ጉራና ቤጎታና።

3አቤት መና ጎዳዉ፥ ታን ኔና አሳ ግዶን ጋላታና፤ ቃይ ካዉተ ግዶን ኔና ሳባና።

4አያዉ ጎፐ፥ አገና ነ ሲቁ ዎልቃማ፤ ሳሉዋፐ ቦላዉ አ። ነ ቱማተይካ ቦላ ሻርያዳን ቄ።

5አቤት ጾሳዉ፥ ሳሎቱዋፐ ቦላና ቁ ቁ ጋ! ነ ቦንቹ ሳኣ ኡባ ቦላ ግዶ።

6ኔን ሲቅያዋንቱ አታና ማላ፥ ነ ኡሸቻ ኩሽያን ኑና አሻ፤ ኔን ታዉ አላ።

7ጾሳይ ባረ ጌሻ ሳኣን ሀዋዳን ያጌዳ፤ “ታን ጾናደ ሰኬማ ቢታ ሻካና፤ ቃይ ሱኮታ ዛንጋራ ግሻና።

8ጋላኣደ ታዋ፤ ምናሰካ ታሳ፤ ኤፍሬም ታ ሁጲያ አሽያ ቆብያ፤ ይሁዳይ ታ ካዉተ ጻምኣ።

9ሞኣበ ታን ሜጨትያ ኩይጻሩዋ፤ ኤዶም ታዋ ግድያዋ ኤርሳናዉ ታ ጫማ አ ቦላ ዎይ። ታን ፕልስጼማ ጾናደ ገሬራይ” ያጌዳ።

10ግምበቴዳ ካታማኮ፥ ታና ኦኔ አፋናዌ? ኤዶማ ጋካናዉ ታና ኦኔ ካለናዌ?

11አቤት ጾሳዉ፥ ኑና አጌዳዌ ኔና ግድኪ? አቤት ጾሳዉ፥ ኔን ኑ ቶራንቻቱዋና ኦላዉ ከሳካ።

12አሳ ማዱ ፓና ድራዉ፥ ሞርክያና ኦለታናዉ ኔን ኑና ማዳ።

13ጾሳ ዎልቃን ኑን ኑ ሞርከቱዋ ጾናና፤ ኑ ሞርከቱዋ የናዌ አ።

← Chapter 107 Chapter 109 →