Job 17

Amharic Dawro DFBE (ጌሻ ማጻፋ) No Year

1“ታ ሸምፓታ ከሳዉ፤ ታ ላይይ ቃሜዳ፤ ታዉ ዱፉ ጊግ ኡቴዳ።

2ታና ቅሊጭያዋንቱ ቱሙዋፐ ታ ዩሹዋን ደኢኖ፤ ኡንቱንቱ ታዉ ሀንቀትያ ሀንቁዋ ኡባ ገደ ታን በአይ።

3“አቤት ጾሳዉ፥ ኔፐ ሀራይ ታና ማድያዌ ባይና ድራዉ፥ ኔን ነ ሁጲያን ታዉ ዋሰ ግዳ።

4ኡንቱንቶ ገለናዳን፥ ኔን ታ ላገቱዋ ዎዛና ዶንጭልሳዳ። ሄዋ ድራዉ፥ ኔን ኡንቱንቶ ጾኑዋ እሞፓ።

5ሚሻ ደማና ጊደ፥ ባረ ላገቱዋ አ እምያ አሳ ናጋራይ አ ናናቱዋ ካአና።

6“ጾሳይ ታና አሳ ኡባዉ ቅሊጭያዋ ከሴዳ፤ አሳይ ሶምኡዋን ጩችያ አሳ ታን ግዳድ።

7ታን ዳሮ ካዮቴዳ ድራዉ፥ ታ አይፊካ ጋልጄዳ፤ ታ ኩመን አሳተይ ላፊደ፥ ጽንቁዋ ኬሻ ግዴድኖ።

8ኬካ አሳቱ ታና በኢደ ዳጋሜድኖ፤ ሱረቱካ ጾሳ ካድያዋንቱ ቦላ ይሎቴድኖ።

9ግዶፐነ፥ ጽሎቱ ባረንቱ ኦግያፐ ያካ ሃካ ስምክኖ፤ ሱረቱ ዎልቃ ጉጅ ጉጅ ቢኖ።

10ሽን ሀእ ኡባይካ አነ ታኮ ሃ ዪተ! ይንቶካ፥ ታን ህንተ ግዶን እት አዳ ኤራንቻ አሳካ ደምከ።

11“ታ ደኡዋ ላይይ ዉሬዳ፤ ታ ሀልቼዳ ሀልቹካ ታ ዎዛና አሙካ ጮ አቴዳ።

12ታ ላገቱ ቃማ ጋላሳ ጊኖ፤ ም ኡት ደእሽን፥ ‘ፖአና ሀኔ’ ያጊኖ።

13ታን ህዶታን ናግያ ታ ጎሊ ዱፉዋ፤ ታ ሂጻካ ያን ማን ሂጻና።

14ዱፉዋ ታን፥ ‘ኔን ታ አዉዋ’ ያጋና፤ ጉጹንያካ፥ ‘ኔን ታ አቶ’ ዎይ ‘ታ ምቻቶ’ ያጋና።

15ያትና፥ ታ ህዶታይ ሀቃኔ? ኦን አ በኤዴ?

16ታ ህዶታይ ታናና ዱፉዋ ባንዴ? ኑን ላኡ እትፐ ቢታን ዱገ ዎኔሻ?” ያጌዳ።

← Chapter 16 Chapter 18 →