Isaiah 64

Amharic Dawro DFBE (ጌሻ ማጻፋ) No Year

1አቤት መና ጎዳዉ፥ ኔን ሳሎቱዋ ዳካደ ዱገ ዎ! ደረቱካ ጋጅ ጋጂደ ኮኮርኖ።

2ታማይ ቃይጼርያ ሚደ፥ ሃ ፐንትስያዋዳን፥ ዱገ ዎአደ፥ ነ ሱን ነ ሞርከቶ ኤርሳ፤ ካዉተቱዋካ ነ ስንን ኮኮርሳ።

3ካሰካ ኔን ኑን ናግቤና ማላልስያባ ኦዳ ዎደ ዎአዳ፤ ደረቱ ነ ስንን ጋጅ ጋጂደ ኮኮሬድኖ።

4በንፐ ዶሚደ፥ ኔናን አማነቲደ፥ ናግያዋንቶ ማላልስያባ ኦዳ ኔፐ አትና፥ ሀራ ጾሳ አሳ ሀይይ ስስቤና፤ አሳ አይፊካ በእቤና።

5ጽሎተ ናሸቲደ ኦያዋንታነ ነ ኦግያን ኔና ሀሳይያዋንታ ኔን ጋካደ ማዳሳ። በአ፥ ኔን ሀንቀታዳ፤ ሽን ናጋራ ኦያዋ አግበይኮ። ኑን ናጋራ ኦደ፥ አዱሳ ዎድያ ደኤዶ፤ ያትና፥ ኑን ዋኒደ አታኔ?

6ኑን ኡባይካ ቱና አሳ ግዴዶ፤ ኑ ጽሎተ ኦሶ ኡባይካ ቅታ ጩርቃ ማላ። ኑን ኡባይካ ቦንጭያዳን ሹሌዶ፤ ኑ ናጋራይ ኑና ጫርኩዋዳን፥ ፕቲደ አፌዳ።

7ነ ሱን ጼስያዌ፥ ዎይ ኔና ምንስ ኦይካናዉ ኮይያዌ ባዋ። አያዉ ጎፐ፥ ኔን ነ ዴሙዋ ኑፐ ገንደ ናጋራይ ይሳናዳን፤ ኑና ኑ ናጋራ ድራዉ፥ አጋዳ።

8ግዶፐነ፥ አቤት መና ጎዳዉ፥ ኔን ኑ አዉዋ፤ ኑን ኡርቃ፤ ኔን ኡርቃ መዳዋ፤ ኑን ኡባይካ ነ ኩሽያን መቴዶ።

9አቤት መና ጎዳዉ፥ ሎይ ሀንቀቶፓ፤ ኑ ናጋራካ መናዉ ሀሳዮፓ። ኑና በአ፥ ኑን ኡባይካ ነ አሳ።

10ነ ጌሻ ካታማቱ ባዙዋ ግዴድኖ፤ ሀራይ አትና፥ ጽዮነ ካታማይካ ባዙዋ ግዴዳ፤ የሩሳላመካ መላ ሳ ግዴዳ።

11ኑ አዎቱ ኔና ጋላቴዳ ጌሻነ ሎኦ ግዴዳ ኑ ጌሻ ጎሊ ታማን ጹገቴዳ፤ ቃይ ኑ ሎኦ ሳአቱ ኡባይካ ባዬድኖ።

12አቤት መና ጎዳዉ፥ ኔን ሀዋ ኡባ በኣደካ ኑና አጋኒ? ኔን ጮኡ ጋደ፥ ኑና ዛዋይ ባይና ሙሩዋ ሙራኒ?

← Chapter 63 Chapter 65 →