Isaiah 50

Amharic Dawro DFBE (ጌሻ ማጻፋ) No Year

1መና ጎዳይ ሀዋዳን ያጌ፤ “ታን ህንተ ዳዮ የዴዳ ፕርማይ ሀቃን ደኢ? ዎይ ኦስ ህንተና ታን ዛልኣድታ? በእተ፥ ህንተ ናጋራ ድራዉ፥ ህንተ ዛልኤቴድታ፤ ህንተ ባይዙዋ ድራዉ፥ ህንተ ዳያ ብለታዱ።

2ታን ዬዳ ዎደ፥ አያዉ ሄዋን አሳይ ዬዴ? ታን ጼሴዳ ዎደ፥ ‘ዬ!’ ጋናዉ አያዉ አሳይ ሄዋን ደእቤኔ? ታን ህንተና ዎዛናዉ ታ ኩሺ ቃንየ? ዎይ ህንተና አሻናዉ ታዉ ዎልቃይ ባዌየ? በእተ፥ ታን ሴራደ አባ መልሳይ። ሻፋቱዋካ መላ ቢታ ኦይ። ኡንቱንቱን ደእያ ሞለቱ ሃይ ይና ዎቂኖ፤ ሳሙ ዎና ሀይቂኖ።

3ታን ሳሎቱዋ ካረባ ማይዛይ፤ ዋሩዋካ ኡንቱንቱ ካመትያባ ኦይ” ያጌ።

4ዳቡሬዳዋ ታን ቃላን ዋታደ ምንነንቶ ኤራና ማላ፥ ኡባ ሞድያ መና ጎዳይ ታዉ ታማሬዳ እንጻርሳ እሜዳ። እ ታና ዎንታ ዎንታ ቤጎደ፥ ታን ታማርያ አሳዳን ስሳናዳን፥ ታ ሀይ ዶዬ።

5ኡባ ሞድያ መና ጎዳይ ታ ሀይ ዶዬዳ፤ ታንካ ማካላንቻ ግዳበይከ፤ ጉየካ ስማበይከ።

6ታን ታ ዞክያ ሾጭያዋንቶ፥ ታ ጋጩዋ ቡቻ ሾድያዋንቶ አደ እማድ። ታ ሶምኡዋ ካዉሻፐነ ጩቻ ጩሸትያሳፐ ገንበይከ።

7ኡባ ሞድያ መና ጎዳይ ታና ማድያ ድራዉ፥ ታን ዬላታበይከ፤ ሄዋ ድራዉ፥ ታን ታ ሶምኡዋ ሳልያ ግያ ሹቻዳን ኡዳድ። ታን ዬላተናን አታናዋካ ኤራይ።

8ታና ሻትንያዌ ማታን ደኤ፤ ያትና፥ ታና ሞትያዌ ኦኔ? አነ እትፐ ታናና ኤቆ! ታ ሞርኪ ኦኔ? አነ ታናና ጋከቶ!

9በእተ፥ ኡባ ሞድያ መና ጎዳይ ታና ማዴ፤ ያትና፥ ታና ባይዛንቻ ጋናዌ ኦኔ? በእተ፥ ኡንቱንቱ ኡባይካ ማዩዋዳን ኤጭ ዉራና፤ ብልአይ ኡንቱንታ ማና።

10ህንተ ግዶፐ መና ጎዳዉ ያይያዌነ አ ቆማ ቃላዉ አዛዘትያዌ ኦኔ? ማን ሀመትያዌነ ፖኡ ባይናዌ እ ኦኔ? ሄ ኡራይ መና ጎዳ ሱንን አማነቶ፤ ባረ ጾሳንካ ዘምፖ።

11በእተ፥ ህንተኖ ታማ ኤያ ኡባ ገደ፥ ዪቻ ጾምፕያ ላጩዋ ህንተንቶ ሺሽያዋንቶ፥ ህንተ ኤዳ ታማ ፖኡዋን ሄመትተ! ህንተ ዪጬዳ ጾምፕያ ላጩዋ ፖኡዋን ስመረትተ! ህንተ ታ ኩሽያፐ አካናዉ ደእያባይ ሀዋ: ህንተ ዎልቃማ ሴላን ግሳና።

← Chapter 49 Chapter 51 →