Ezekiel 15

Amharic Dawro DFBE (ጌሻ ማጻፋ) No Year

1መና ጎዳ ቃላይ ታኮ ሀዋዳን ያጊደ ዬዳ፤

2“ላ አሳ ናአዉ፥ ዎይንያ አኑ ባዙዋን ደእያ ሀራ ምፐ አያን ኬኪ?

3ጎአይ ደእያባ ኦናዉ አ አኑዋፐ ቃንጸት ኤሪ? አየንቶ ካቂያ ኮጫ አፐ ከሳ ኤራይ?

4አ ኦይሰዋዳን ታማን የግና፥ ያ ባጋይነ ሀ ባጋይ ታማን ሜተትና፥ ግዱዋን አቴዳ ጺጹንይ አይ ማዳኔ?

5ጹገተናን ደኢድ፥ ካሰ አየንቶ ማድቤናዌ፥ ታማይ ሚና ኤጽ ክቺደ አየንቶ ማደና።

6“ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ታን ባዞ ም ግዶን ደእያ ዎይንያ አኑዋ ታማዉ ኦይሰ ኦደ እሜዳዋዳን፥ የሩሳላመን ደእያ አሳካ ሄዋዳን ኦና።

7ታን ታ ሶምኡዋ ኡንቱንቱ ቦላን ዛራና። ኡንቱንቱ እት ታማፐ ከሶፐካ፥ ሀራ ታማይ ኡንቱንታ ማና። ታን ታ ሶምኡዋ ኡንቱንቱ ቦላ ዛርያ ዎደ፥ ታን መና ጎዳ ግድያዋ ህንተንቱ ኤራና።

8ኡንቱንቱ ታናን አማነተናን አጌዳ ድራዉ፥ ታን ኡንቱንቱ ቢታ ኦና ከሳና። ታን ኡባ ሞድያ መና ጎዳይ ሀዋ ኦዳይ’ ያጌ” ያጊደ ዬዳ።

← Chapter 14 Chapter 16 →