Ecclesiastes 11

Amharic Dawro DFBE (ጌሻ ማጻፋ) No Year

1ነ ኡክ ሃ ቦላን ኦላ፤ ዳሮ ጋላሳቱዋፐ ጉይያን፥ ኔን ዛረደ አ ደማና።

2ነዉ ደእያ ማጹዋ ላፑን ዎይ፥ ኡባ ሆስፑን ሳኣን ሻካደ ዎ፤ አያዉ ጎፐ፥ ስንፐ ሀ ሳኣ ቦላ አይ ኢታባይ ያነንቶ፥ ኔን ኤራካ።

3ሻሪ ሃን ኩሜዳባ ግዶፐ፥ ቢታ ቦላን እራ ትጌ። ምይ ሁጲሳ ኩንድና ገድሳ ኩንድና፥ ሄ ባረ ኩንዴዳ ሳኣን ደኤ።

4ጫርኩዋ ሀኖታ ናግያ ኦንነ ካ ዘረና፤ ቃይ ሻሪ ደንዳናዉ ናግያ ኦንነ ባረ ካ ጫከና።

5ጫርኩ ሀቃና ብንቶ፥ አ ኦግያ ኤራካ፤ ቃይ ናአይ አት ኡሉዋን ዋን መትንቶካ ኤራካ። ሄዋዳንካ፥ ኡባባ መያ ጾሳይ ባረ ኦሱዋ ዎት ኦንቶ፥ ኤራናዉ ዳንዳያካ።

6ዎንታ ጉራን ግድናካ ኦማርሳን፥ ነ ዘረ ዘርያዋ አጎፓ፤ አያዉ ጎፐ፥ ዎንታዌ ሎአኔ ኦማርሳዌ ሎአኔ ኔን ኤራካ።

7ፖኡ ናሸችያዋ። አዋ አይፍያ በእያዌካ ሎኦባ።

8አስ ሎይ አዱሳ ላይ ሀ ሳኣን ደኦፐ፥ ሄ ኡባ ላይንካ ናሸቶ። ሽን ማ ዎደቱዋ ቆፓ። አያዉ ጎፐ፥ ሄ ዎደቱ አዱቃና። ያናዉ ኡባባይካ መላ።

9ኔኖ ያላጋዉ፥ ያላጋተይ ሎይ ሎኦባ ግድያ ድራዉ፥ ነ ያላጋተ ላይን ናሸታ፤ ነ ዎዛናይካ ናሸቶ። ነ አይፊ ጼሌዳባነ ነ ዎዛናይ አሞቴዳባ ኡባ ፖላ። ሽን፥ ሄ ኔን ኦዳዋ ኡባ ድራዉ፥ ኔና ጾሳይ ፕርዳናዉ ደእያዋ ዶጎፓ።

10ሄዋ ድራዉ፥ ስም ነ ዎዛናፐ ህርጋ፥ ነ ቦላፐካ ሴላ ድጋ። አያዉ ጎፐ፥ ናአተይነ ያላጋተይ መላ።

← Chapter 10 Chapter 12 →