2 Samuel 4

Amharic Dawro DFBE (ጌሻ ማጻፋ) No Year

1ሳኦላ ናአይ ያቡስተ አባኔር ከብሮናን ሀይቄዳዋ ስሴዳ ዎደ፥ አ ዎዛናይ ያዬዳ፤ እስራኤልያ አሳይ ኡባይካ ዳጋሜዳ።

2ሳኦላ ናኣ ያቡስተዉ ጩጉዋ ካለያ ላኡ ካፓቱ ደኢኖ፤ እቱዋ ሱንይ ባኣና፤ የንኩዋ ሱንይ ረካባ፤ ኡንቱንቱ ቢንያማ ዛርያ ግዴዳ ባኤሮትያ ርሞና ናና። ባኤሮታ ካታማይ ቢንያማ ባጋዳን ፓይደቴ፤

3አያዉ ጎፐ፥ ባኤሮታን ደኤዳ አሳቱ ግታይማ ጋድያ ባቃቲደ፥ ሄደፐ ሀቼ ጋካናዉ በትያዳን ያን ደኤድኖ።

4ሳኦላ ናኣ ዮናታናዉ ላኡ ገዲ ስሌዳ ናአይ ደኤ፤ ሳኦላነ ዮናታና ዎሪ እዝራኤልያፐ ጋኬዳ ዎደ፥ እ እቼሹ ላይ ናኣ፤ ሄ ናኣ ድችያና አ አካደ ባቃታዱ፤ ሽን አ ባቃታናዉ ድርቢሽን፥ ናአይ ኩንዲደ ስላ ከሴዳ፤ ሄ ናኣ ሱንይ ማንፍቦሼታ።

5ባኤሮትያ ርሞና ናናይ ረካብነ ባኣን ያቡስተ ሶ ባናዉ ከሴድኖ፤ ኡንቱንቱ ቢደ ሴታ ጋላስ ጋኬድኖ፤ እ አዋፐ ሸምፔ።

6ኡንቱንቱ ሶይ ገሊደ ዛርጋ አክያዋ ማላቲደ ያቡስታ ኡሉዋን ጫድና ሀይቄዳ። ረካብነ አ እሻ ባኣን ሌላን ገሌድኖ።

7ኡንቱንቱ ሶይ ገልያ ዎደ፥ ያቡስተ ቆልኦን አርሳን ግሴዳዋ ደሚደ፥ አ ኡሉዋ ጫዲደ ዎድኖ፤ አ ቆያፐ ሙጬድኖ፤ ሙጬዳ ሁጲያ አኪደ፥ አራባ ጋራራ አፍያ ኦግያ ኦይቂደ፥ ቃማ ኡባ ሀመቴድኖ።

8ያቡስተ ሁጲያ ከብሮናን ደእያ ዳዊተዉ አሂደ ካትያ፥ “ኔና ዎናዉ ኮዬዳ ነ ሞርክያ ሳኦላ ናኣ ያቡስተ ሁጲያ ሀዋ በአ፤ ሳኦላ ቦላንነ አ ናኣ ቦላን ካትያ ኑ ጎዳ ሀሉዋ መና ጎዳይ ሀቼ ከሴዳ” ያጌድኖ።

9ሽን ባኤሮትያ ርሞና ናና ረካባነ አ እሻ ባኣና ዳዊተ ሀዋዳን ያጌዳ፤ “መቱዋ ኡባፐ ታና አሼዳ መና ጎዳይ ኤሮ!

10እት ብታኒ ታኮ ዪደ፥ ምሽራቹዋ ኦድያዋዳን፥ ‘ሳኦል ሀይቄዳ’ ያጊደ ታዉ ኦድና፥ ታን አ ጽቅላጋን ኦይቃደ ዎሳድ፤ ታን አ ምሽራቾ እሜዳ ጋቲ ሄዋ።

11ባረ ሶን ባረ አርሳን ግሴዳ ጽሎ ብታንያ ዎዳ ኢታ አሳቶ አ ሀሉዋ ከስያዌ አይ ኬሻ ኢታንዴሻ! አ ሱ ታን ህንተንቱ ኩሽያፐ ሀእ አቻና፤ ህንተንታ ታን ቢታ ቦላፐ ይሳና!” ያጌዳ።

12ረካባነ ባኣና ዎናዳን ዳዊተ ባረ ኦላንቻቱዋ አዛዜዳ፤ ኦላንቻቱ ኡንቱንታ ዎድኖ፤ ኡንቱንቱ ኩሽያነ ገድያ ቃንጽ ድጊደ፥ ዳልባን ሃ ማታን ከብሮነ ካታማን ካቄድኖ። ያቡስተ ሁጲያ አኪደ አፊደ፥ አባኔራ ዱፉዋን ከብሮናን ሞጌድኖ።

← Chapter 3 Chapter 5 →