Psalms 61

Amharic Catholic Version (መጽሐፍ ቅዱስ - (ካቶሊካዊ እትም - ኤማሁስ)) No Year

1ለመዘምራን አለቃ፥ በበገናዎች፥ የዳዊት መዝሙር።

2አምላክ ሆይ፥ ጩኸቴን ስማ፥ ጸሎቴንም አድምጥ።

3ልቤ ተስፋ በቈረጠ ጊዜ ከምድር ዳርቻ ወደ አንተ እጮኻለሁ፥ ከፍ ባለ ዓለት ላይ ትመራኛለህ።

4በጠላት ፊት ጽኑ ግንብ፥ መጠጊያዬም ሆነኸኛልና።

5በድንኳንህ ለዘለዓለም እኖራለሁ፥ በክንፎችህም ጥላ እጋረዳለሁ፥

6አቤቱ፥ አንተ ስእለቴን ሰምተሃልና፥ ስምህንም ለሚፈሩ ርስትን ሰጠሃቸው።

7ለንጉሥ ከቀን በላይ ቀን ትጨምራለህ፥ ዓመታቱም ከትውልድ ወደ ትውልድ ይሆናሉ።

8በእግዚአብሔር ፊት ለዘለዓለም ይኖራል፥ ይጠብቁት ዘንድ ቸርነትንና እውነትን አዘጋጅለት።

9እንዲሁ ለስምህ ለዘለዓለም እዘምራለሁ ስእለቴን ሁልጊዜ እፈጽም ዘንድ።

← Chapter 60 Chapter 62 →