Psalms 100

Amharic 2000 (የአማርኛ መጽሐፍ ቅዱስ (ሰማንያ አሃዱ))

1አቤቱ፥ ምሕረትንና ፍርድን እዘምርልሃለሁ።

2እዘምራለሁ፥ ንጹሕ መንገድንም አስተውላለሁ፤ ወደ እኔ መቼ ትመጣለህ? በቤቴ መካከል በልቤ ቅንነት እሄዳለሁ።

3በዐይኔ ፊት ክፉ ነገርን አላኖርሁም፤ ዐመፃ የሚያደርጉትን ጠላሁ።

4ጠማማ ልብም አልተከተለኝም፤ ክፉ ከእኔ በራቀ ጊዜ አላወቅሁም።

5ባልንጀራውን በስውር የሚያማን እርሱን አሳደድሁ፤ በዐይኑ ትዕቢተኛ የሆነውና ልቡ የሚሳሳው ከእኔ ጋር አይተባበርም።

6ከእኔ ጋር አኖራቸው ዘንድ ዐይኖቼ ወደ ምድር ምእመናን ናቸው፤ በንጹሕ መንገድ የሚሄድ እርሱ ያገለግለኛል።

7ትዕቢትን የሚያደርግ በቤቴ መካከል አይኖርም፥ ዐመፃን የሚናገር በፊቴ አይጸናም።

8ዐመፃን የሚያደርጉትን ሁሉ ከእግዚአብሔር ከተማ አጠፋቸው ዘንድ፥ የምድርን ኀጢአተኞች ሁሉ በማለዳ እገድላቸዋለሁ።

← Chapter 99 Chapter 101 →